Biografia e z. Behgjet Pacolli.

Behgjet Isa Pacolli

Data,vendi i lindjes, familja
30 gusht 1951, Marec, Prishtinë. I biri i Isës dhe Nazmijes, i dyti nga 10 fëmijët, i martuar me znj. Masha Pacolli. Prind i pesë fëmijëve, tri vajzave dhe dy djemve (Arbreshës, Selenës, Hanës, Isës dhe Diarit).

Edukimi fillestar
Edukimi fillor në Marec – Kosovë.

I mesëm
Edukimi i mesëm në Prishtinë.

I lartë
1970-1973 Instituti i Tregëtisë së jashtme Hamburg, Gjermani

Specializimi
1982-1983 Master në Marketing dhe Menaxhment – Instituti Mösinger Zurich.

Profili profesional eksperienca
● 1974-1975 Korrespondent për gjuhë të huaja dhe zëvendësdrejtor për zhvillim pranë Kombinatit të Tekstilit, Gjilan.

● 1976 Drejtor komercial për zhvillim rajonal i Kompanisë
Peter Zimmer, Kufstein Austri.

● 1977-1980 Drejtor komercial në kompaninë Interplastica
Project Engineering në Morbio Inf. Zvicër.

● 1980-1990 Drejtor Gjeneral Interplastica
Project Engineering në Morbio Inf. Zvicër.

● 1990 Themelues, President dhe titullar i Mabetex
Project Engineering, Lugano Zvicër.

● 1992-2009 President i CRS-Credito per lo sviluppo e
ristrutturazione, Lugano Zvicër;
● President i Mabco Construction, Lugano Zvicër
● President i Swiss Diamond Hotel Management, Bermuda;
● Titullar i Korporatës Interfin Finance Londër;
● Titullar i Mabetex International (i shtrirë 18 vende të
botës);
● Titullar i kompanise së sigurimeve Siguria, Prishtinë;
● Aksionar mazhoritar në Bankën Ekonomike, Prishtinë;
● Titullar i Saranda Properties, Astana Kazakistan;
● Titullar i Sine Tempore International ;
● Titullar i agjensionit Diamond Travel;
● Titullar i Nuova Bernasconi – Lugano
● Anëtar i bordit në disa kompani nëpër botë

Veprimtaritë tjera humanitare
● Sponsor kryesor i Fondacionit Aleksandër Moisiu;
● Themelues i Fondacionit dhe jetimoreve “Bambini Di Sakha”
● 1993 – Themelues dhe sponsor i spitalit për strehimin dhe përkujdesjen e fëmijëve të braktisur që lindin me probleme fizike në Sakha);

● 1999 – Në bashkëpunim me Fondacionin “Insieme per la pace” dhe zonjën Fanfani, intervenon masivisht në ofrimin e ndihmave në Kukës, Ivangrad, për të dëbuarit nga Kosova;
● Mbështetje spitaleve në Kosovë me barna dhe preparate medicinale;

● Themelues i Fondacionit Ibrahim Kodra,Lugano;

● 2000-2004 – Mbështetje për ngritjen e infrastrukturës së TMK-së në Prishtinë dhe kontribut në pajisjet profesionale të saj;

● 2005 – Mbështetje për ngritjen e Qendrës memoriale në Penuhë të Podujeves;

● 2004 – Ndërmjetësimi dhe lirimi i pengjeve në Afganistan (pas një qëndrimi trejavor me sukses arrin të lirojë tre pengjet, punëtorë të OKB-së, Shqipe Hebibit, Annete Flaninghan dhe Angjilito Najan;

● 2006 – Ndërmjetësimi dhe lirimi i gazetarit të marrë peng në Afganistan, Gabrielle Torsello;

● 2006 Fondacioni Behgjet Pacolli, Prishtinë (bursa studimore, asistencë sociale për njerëzit në nevojë, ndërtimi i shtëpive për skamnorët dhe kontribute tjera në jetën sociale dhe kulturore);

● 2007 – Kontribut në ndërmjetësimin dhe lirimin e 23 pengjeve koreanë në Afganistan;

● 2008-2011 – Lobim permanent për njohjen e Republikës së Kosovës si shtet të pavarur dhe sovran;

● 2007 Projektues, sponsor dhe financues i gjithë infrastrukturës së Universitetit Amerikan në Kosovë AUK;

● 2009 Financon ndërtimin e zgjerimit të Fakultetit Filozofik të Universitetit të Prishtinës;

● 2008 Financon projektin e rindërtimit dhe restaurimit të xhamisë së Llapit në Prishtinë (objekt në kuadër të trashëgimisë kulturore të Kosovës);

● Sponsorizues i sportit dhe kulturës në Kosovë;

● Kontribut tërësor në ndërtimin e strehimoreve dhe shtëpive për familjet skamnore; (në vazhdim e sipër)

● Asistencë në dërgimin për shërim jashtë vendit të dhjetëra pacientëve në vit; (në vazhdim e sipër)

● Asistencë sociale invalidëve dhe personave në nevojë (pagë mujore); (në vazhdim e sipër)

Veprimi dhe angazhimi politik

Promovues dhe Themelues
● 1999 FORK – Fondacioni për Rindërtimin e
Kosovës, Prishtinë;
● 2000 Themelues i UASH, Unioni i Afaristëve Shqiptarë, Lugano;
● 2004 Themelues i SEED, Fondacioni për zhvillim ekonomik të Evropës Juglindore, Washington (Fondacioni promovues dhe lobues i pavarësisë së Kosovës);
● 2005 Themelues i organizatës New Kosova Alliance, Washington (organizatë lobuese për pavarësinë e Kosovës, 2005-2007);
● 2006 Themelues dhe Kryetar i Partisë Politike Aleanca Kosova e Re, AKR (parti politike që në zgjedhjet e para në vitin 2007, renditet si partia e tretë politike në vend);
● Anëtar i Center for International and Strategic Studies CSIS (Qendra për Studime Strategjike Ndërkombëtare), Washington, Këshilltar permanent i Komitetit të udhëhequr nga Henry Kissinger;
● 2007-2010 Deputet i Kuvendit të Republikës së Kosovës ;
● 2011 Deputet i Kuvendit të Republikës së Kosovës (mandati i dytë)
● 2011 PRESIDENTI i Republikës së Kosovës
● 2011 Inicues dhe nënshkrues i marrëveshjes së koncensusitpolitik për reformat kushtetuese dhe zgjedhore.

● 2011 ZËVENDËS KRYEMINISTËR I PARË i Qeverisë së Republikës së Kosovës dhe përgjegjës për politikën e jashtme dhe investimet e huaja.

Vlerësime
● Dekoratat e TMK;
● Vlerësime dhe tituj nderi nga Universiteti i Teknologjisë së Roçester (Rochester);
● Dekorata nga AUK (Universiteti Amerikan në Kosovë)
● Dekoratat e larta të Shtetit të Perusë, Presidentit të Perusë;
● Dekorata më e lartë shtetërore e Federatës Ruse (vlerësimet në arkitekturë), qytetari i dytë i huaj pas amerikanit Armand Hammer që e merr këtë dekoratë;
● Qytetar nderi i Astanës, Republika e Kazakistanit;
● Konsull nderi global i Liberisë (2002-2008);
● Ambasador i Paqes (Universal Peace Federation);
● Kalorës i Paqes Globale i Mijëvjeçarit; dhënë nga Centro Internazionale per la Pace fra i Popoli (Qendra Ndërkombëtare për paqen mes popujve) çmim i dhënë dhe Michail Gorbaciov, Perez De Cuellar, S.S. Giovanni Paolo II, Luciano Pavarotti, Helmut Kohl, Nënë Tereza e Kalkutës, Kofi Annan, Bill Gates, etj;
● Mirënjohja nga Fondacioni Nelson Mandela;
● Mirënjohja nga Fondacioni Clinton Global Initiative.
● Qytetar nderi i qytetit të Lezhës – Shqipëri
● Titulli Doctor Honoris Causa nga Universiteti Europian i Tiranës
● Nderohet me “Çelësin e Tiranës”

Gjuhët
Gjuhë amtare: Shqip
Gjuhë të huaja
Anglisht, Frengjisht, Gjermanisht, Italisht, Rusisht, Spanjollisht, Serbo-Kroate, etj.

Publikimet
• Publikime të ndryshme nga sfera socio-ekonomike, politike dhe kulturore;
• Themelues dhe botues i revistës “Albanica”.
• Themelues i gazetës ditore “Lajm”
• Autor i librit autobiografik “Nga sfida në sfidë, Jeta Behgjet Pacolli, 2010.

Të dhëna tjera
www.behgjetpacolli.com
http:// www.mabetex.com/
http:// www.ks-siguria.com/ks-siguria/
http:// www.swissdiamondhotel.net

Forumet në gjuhën angleze
http:// www.pacollikosovo.com/

http://pacolliafghanistan.com/

http://www.pacollimabetex.com/

http://www.pacollidiamond.com/

http://www.pacolligroup.com/

http://www.mabetexconstruction.com/

www.balkanwelfare.org

në gjuhën gjermane

http://www.behgjetisapacolli.de/

http://www.behgjetpacolliafghanistan.de/

http://www.behgjetpacollikazakhstan.de/

http://www.behgjetpacollikosovo.de/

http://www.behgjetpacollimabetex.de/

http://www.behgjetpacollirussia.de/

http://behgjetpacolliswitzerland.de/

http://www.behgjetpacolliusa.de/

http://www.bpacolli.de/

http://www.bpacolli.ch/

http://www.behgjetisapacolli.ch/

http://www.pacolligroup.ch/

http://www.mabetexconstruction.ch/

http://www.pacollikosova.ch/

http://www.pacollibalkan.ch/

http://www.pacollimabetex.ch/

në gjuhën shqipe

http://behgjetpacollirussia.al/

http://www.behgjetpacolliusa.al/

http://www.behgjetpacollimabetex.al/

http://www.behgjetpacollikazakhstan.al/

http://behgjetpacolliitaly.al/

http://www.behgjetpacolliafghanistan.al/

http://behgjetpacolliswitzerland.al/

në gjuhën ruse

http://behgjet-friends.ru/

http://behgjet-pacolli.ru/

http://behgjetbiography.ru/

http://behgjetbusiness.ru/

Mabetex me president Behgjet Pacollin restauruan Kremlinin

[Artikulli Origjinal]

Mbi 3000 punonjёs tё firmёs Mabetex me president Behgjet Pacollin kanё restauruar Kremlinin.
7 Presidentёt e botёs qё zhvilluan punimet G7 nё Kremlin shijuan harmonin e
arkitekturёs tё realizuar me finese dhe mjeshtёri nga punonjёsit e Mabetex Group.

Mabetex me president Behgjet Pacolli ka ndёrtuar nё tё gjithё botёn Hotele me 5 yje si nё Moskё, Kazakistan, Zvicёr, Turqi, Singapor, Malajzi, Porto Riko, Brazil, Indonezi dhe Irak.
Kёto hotele i kanё ndertuar Shqiptarёt nga Kosova, Maqedonia dhe Shqipёria
.

Rrëfimi i Islam Pacollit, njeriut që punoi për rikonstruksionin e pallatit të presidentëve rusë.
Është nga njerëzit e rrallë që ka pasur në dorë thesarin e Kremlinit.
Ngjan pak e ekzagjeruar ndoshta, por i ka prekur me duart e tij monedhat e florinjta,
objektet e argjendta apo gjithçka tjetër të çmuar të carëve rusë.
Dhe kjo është e vërtetë. Ndonjëherë i është dashur të pastrojë edhe pluhurin nga to

Behgjet Pacolli dhe Boris Yeltsin

Behgjet Pacolli dhe Boris Yeltsin

Quhet Islam Pacolli, është 39 vjeç, duket modest, por sytë e tij shprehin zgjuarsi. Është personi më i besuar i milionerit kosovar, Behxhet Pacolli, dhe në Kosovë drejton kompaninë e tij “Mabetex”. Nuk ka dëshirë të japë shumë detaje për Kremlinin, pallatet mbretërore ruse që sot e kësaj dite mbeten nga ndërtesat më interesante në botë. Në vitin 1995, Presidenti rus, Boris Jeltsin, i besoi një firme shqiptare rikonstruksion e plotë të ndërtesës që përbën dinjitetin e Rusisë. “Gjithçka ishte në duart tona”, thotë Islami. Ata kanë pasur të drejtën të hyjnë kudo dhe të rikonstruktojnë edhe dhomat më të fshehta të pallatit. Natyrisht, nuk mungonin rojet e sigurisë dhe shërbimet inteligjente. “Por niveli i besimit te punëtorët kryesisht shqiptarë ishte i lartë”, shpjegon ai. I lartë apo jo së paku 5 lloje sigurimesh ishin prezentë aty. Në fakt, thuhet se asnjë nga gjeneralët që kishte shërbyer dhe ruajtur sekretet e Kremlinit, nuk kishte mundur të gëzonte pensionin, pasi befas “ishte ndarë nga jeta”. Janë të njohur rusët për ashpërsinë e sistemit shtetëror. Por kjo është një temë tjetër. Islami shpjegon se i ka ndjekur me sytë e tij të gjitha punimet. “Kam qenë që në ditën e parë aty. Mbi 3000 punëtorë shqiptarë kanë qenë të angazhuar në këtë objekt, por ka pasur afërsisht po kaq rusë apo punëtorë të kombësive të tjera. Pallatet e ndërtuara në shekullin e katërmbëdhjetë për herë të parë u lanë në duart e të huajve për t‘u rikonstruktuar. “Për mua ishte sikur u thye Muri i Berlinit”, thotë Islami.

Kolonadё e artё - Kremlin

Kolonadё e artё - Kremlin

Ndonjëherë flet si politikan, ndoshta sepse skandali për akuzën e ryshfetit dhënë Presidentit rus, që pushtoi mediat në vitin 1999, i ka mësuar të heshtin. Ndoshta sepse kushëriri i tij, Behxhet Pacolli, ka vendosur të marrë pjesë aktivisht në jetën politike të Kosovës dhe Kremlini përmendet nga kundërshtarët si pika e dobët e tij. “Ishte një punë e madhe, që kërkonte një respekt dhe përkushtim të jashtëzakonshëm, një punë që të vjen një herë në jetë”. Mabetex ka rikonstruktuar me qindra objekte, madje edhe luksoze, por Kremlini është i pakrahasueshëm. Madje, kanë rikonstruktuar edhe Shtëpinë e Bardhë të Moskës. Islami ka qenë i pranishëm kur “ariu i bardhë”, Presidenti i bëshëm rus shkonte nëpër pallat dhe interesohej për detaje nga më të ndryshmet. Atë kohë ai ishte zhvendosur nga Kremlini. Shëtiste, fliste me mjeshtërit dhe pse jo, jepte ide.

“I interesonin detajet”, tregon Islami. Gjuha e tij është e kursyer për sa i përket Presidentit rus që tashmë nuk jeton më. Në fund kur gjithçka kishte mbaruar, ai kishte mbetur i mahnitur dhe i kënaqur. “Vetëm për parketet janë përdorur 28 lloje drurësh të ndryshëm”, rrëfen Islami. Salla ovale e cila përdoret nga presidenti i Rusisë kishte dekorime të tjera të veçanta. Salla e mbretëreshës Katerinë ose siç thuhet në rusisht “Katerinski Zall”, kishte qenë e preferuara e Jeltsinit. Një sallë madhështore me gjithë luksin dhe elegancën e mundshme të një vendi mbretëreshe. Kremlini zë një sipërfaqe prej 27,5 hektarësh. Rrethimi jashtëm i Kremlinit i ngjan një trekëndëshi jo të rregullt, i cili zgjatet 676 metra nga perëndimi në lindje dhe 639 nga verilindja në juglindje. Kremlini ishte ndarë në mënyrë artificial nga Moska në shekullin e XVI. Fjala Kremlin do të thotë fortesë. Kremlini nuk mund të fotografohet apo filmohet nga brenda. As punëtorët nuk kanë mundur të ruajnë ndonjë kujtim fotografik brenda mureve të Kremlinit. Por ambientet luksoze mund të shihen në shfaqjet jo dhe aq të shpeshta të Presidentit rus, Vladimir Putin, i cili do të mbahet mend nga shqiptarët si njeriu që i vuri veton pavarësisë së Kosovës. Kremlini gjendet në zemër të Moskës dhe shtrihet pranë lumit Moskva nga jugu dhe sheshi i kuq në lindje. Ai përfshin katër pallate, katër katedrale duke përfshirë Murin e Kremlinit dhe kullat e Kremlinit. Këto janë ndërtuar nga mjeshtër italianë mes viteve 1485 dhe 1495. Në fillim ishin vetëm tetë kulla, por numri i tyre u rrit në njëzet në shekullin e 17. Kulla më e lartë është Apasskaya, e cila ka lartësinë 71 metra me 1625.

—Punimet e kompanisë “Mabetex”, të udhëhequra nga një shqiptar zgjatën tetë muaj. Emri i kompanisë u vu në qendër të mediave në vitin 1999, por fillimisht nga gazeta italiane “Korriere della Sera”, për një mitëmarrje prej miliona dollarësh nga ana e Presidentit rus, Boris Jeltsin. Skandali pushtoi të gjitha mediat botërore, por hetimet nuk mundën të zbulojnë transfertat e parave nga “Mabetex” në llogari të njerëzve të Presidentit dhe të së bijës së tij. Karla del Ponte, prokurore e çështjes nuk mundi t‘i vërtetonte akuzat e saj.

Intervistë me Behgjet Pacollin, kryetar i Aleancës Kosova e Re lidhur me situatën në Kosovë

Mbt; Intervistë me kryetarin e Aleancës Kosova e Re
Behgjet Pacolli kërkon të rikomponohet Ekipi i Unitetit
Moto; ”Unë nuk jam për atë që atyre (Ekipit të Unitetit) t’u merret e drejta të vazhdojnë bisedimet, mirëpo ai duhet të begatohet, të rigjenerohet, të bëhet edhe me njerëz të tjerë, me njerëz kompetentë, transparentë”, ka thënë dje Behgjet Pacolli, sipas të cilit në këtë ekip do të duhej të përfshiheshin politikanë të para viteve të 90-ta. Përndryshe Pacolli ende shpreson se Rusia nuk do ta perdor veton në Rezoluten për Kosovën
Përparim Isufi
Kryetari i Aleancës Kosova e Re (AKR), Behgjet Pacolli ka hedhur dje idenë se Ekipi i Unitetit, në 120 ditëshin e ardhshëm duhet të funksionojë në përbërje të zgjeruar. Në një intervistë për “Zërin”, Pacolli ka akuzuar liderët kosovarë dhe negociatorët gjatë procesit të bisedimeve në Vjenë për triumfalizëm të paqenë dhe për mostransparencë. Biznesmeni i njohur me seli në Lugano të Zvicrës, tashmë ka instaluar në selinë e partisë së tij lidhjen ‘live’ në mënyrë që të mund t’i drejtojë takimet e kryesisë së partisë dhe të njoftohet për zhvillimet në parti edhe kur nuk është në Kosovë.
I njohur për lidhjet e tij afariste me Rusinë, Pacolli thotë se Kosova nuk është problemi kryesor në marrëdhëniet e Preëndimit me Rusinë, përderisa “Rusia asnjëherë deri më tani nuk ka kërcënuar me veto”.
Përderisa e shumicën e kohës e kalon në selinë e kompanisë së tij në Zvicër, Pacolli tashmë ka instaluar sistemin e videokonferencës në selinë e partisë së tij në Prishtinë për të qenë i pranishën në mbledhjet e kryesisë.
Zëri: z. Pacolli si e komentoni zgjatjen e procesit për zgjidhjen e statusit të Kosovës?
Pacolli: Nëse i shikoni intervistat që i kam dhënë në tetorin e vitit të kaluar, kam thënë se për statusin do të flitet vetëm pas 7 korrikut. Politikanëve të Kosovës nuk u kanë dalë datat që kanë dhënë. Unë mbrëmë me keqardhje dëgjova se Kuinti ka vendosur që të bisedohet edhe më tej me Serbinë dhe në këtë rast ne këtu do të kemi status kuo. Parlamenti i Kosovës duhet ta shqyrtojë konstelacionin e Ekipit të Unitetit, duhet ta vlerësojë transparencën e tyre, punën e tyre dhe gjithsesi ky grup duhet të konsolidohet. Ky grup nuk mundet më të tregojë gënjeshtra e të premtojë “sot, nesër…”. Ai është një organ që është zgjedhur nga ish Presidenti Ibrahim Rugova, është konfirmuar nga Parlamenti dhe ai tani duhet rikonsolidohet.
Zëri: Në çfarë mënyre mendoni…
Pacolli: Unë nuk jam për atë që atyre (Ekipit të Unitetit) t’u merret e drejta të vazhdojnë bisedimet, mirëpo ai duhet të begatohet, të rigjenerohet, të bëhet edhe me njerëz të tjerë, me njerëz kompetentë, transparentë. Populli është lodhur duke pritur.
Zëri: A kërkoni një vend ju personalisht në Ekipin e Unitetit?
Pacolli: Unë nuk jam pjesë përbërëse e Ekipit të Unitetit, as e qeverisë, as e parlamentit. Unë nuk insistoj, mirëpo ne kemi shumë njerëz me eksperiencë të cilët jetojnë në Kosovë dhe ata mund të përfshihen. Nuk është me rëndësi sa persona do të përfshihen, a do të jenë 10 apo 15, mirëpo ne duhet t’i tregojmë popullit transparencë dhe duhet të thuhet se nëse do të kemi 120 ditë tjera bisedime, për çka do të bisedohet dhe çka do të ndodh pas
këtyre 120 ditëve. Është e pamundur që t’u premtohet njerëzve, sepse ata janë të lodhur, janë nervozë dhe mund të provokohen dhe të krijohen probleme që mund të kenë pasoja.
Zëri: Cili emër mund t’i shtohej këtij grupi?
Mt: Në Grupin e Unitetit të hyjnë politikanët e para viteve të 90-ta
Pacolli: Do të kthehesha te veteranët. Ata që kanë qenë të involvuar në politikat e ish Jugosllavisë, bile para viteve të ’90-ta. Unë kam një mik që është kryetar i një prej shteteve të ish Jugosllavisë që me dinjitet kryen funksionin e vet e që thotë vazhdimisht se problemi i Kosovës nuk është problem që lindi me luftën në Kosovë, por është një proces shumë i gjatë që fillon qysh me Kushtetutën e vitit 1974, kur Kosova ka qenë pjesë përbërëse e ish federatës jugosllave, e barabartë me anëtarët tjerë në çdo pikëpamje deri sa Serbia e mori autonominë në fund të viteve ’80. Aty qëndron problemi. Kosovës duhet t’i jepet ai legjitimitet dhe të ndahet sikurse janë ndarë republikat tjera. Këtë më së miri do ta kishin bërë politikanët veteranë, e jo njerëzit që tani flasin në dimensione shumë të shkurta.
Zëri: Si e vlerësoni punën e deritanishme të Ekipit të Unitetit?
Pacolli: Pro dhe kontra. Pro është se ata kanë punuar, kontra sepse ata aspak nuk kanë qenë të sinqertë, nuk kanë qenë transparentë me popullatën. Ata janë duke punuar për popullatën, janë duke harxhuar mjetet e popullatës së Kosovës. Janë shifra shumë të larta. Ato gjëra që i kanë thënë deri më tani nuk janë treguar në realitet.
Zëri: Nuk kanë qenë të sinqertë në çfarë kuptimi mendoni? Afatet që i kanë përmendur për zgjidhjen e statusit?
Pacolli: Jo në atë. Nëse ju kujtohet mirë duke u kthyer nga bisedimet , nga darkat, nga hotelet luksoze duke thënë “fituam 8 me, 6 me 3”. Në çka fituam? Kemi qenë klub sportiv? Lojë futbolli? Është dashur të tregohet për çka ëshët biseduar, cili është rezultati. Ato askush nuk i ka dëgjuar, as ju, as popullata, as unë.
Zëri: Nëse zgjidhja e statusit po shtyhet, kjo po bëhet për shkak të kërcënimit rus me përdorimin e vetos në Këshillin e Sigurimit. Pse Rusia po tregohet kaq kokëfortë ndaj propozimit të Ahtisarit?
Pacolli: Rusia deri më tani asnjëherë nuk ka kërcënuar me veto. Rusia deri në fund do të mundohet t’i ruajë interesat e aleatit të tyre. Është punë e tyre, është e drejtë e tyre, mirëpo Rusia asnjëherë nuk është deklaruar se do ta përdorë veton në Këshillin e Sigurimit. Në problemin që e ka sot Perëndimi me Rusinë, nuk është Kosova problemi kryesor. Kosova është një prej problemeve shumë të vogla që mund zgjidhet në globalitet, duke i zgjidhur problemet tjera. Ekziston problemi i shtrirjes së NATO-s në territorin e ish Bashkimit Sovjetik, demokratzimi apo pilitika properëndimore e Gjeorgjisë dhe Ukrainës. Këto janë problemet kryesore, Kosova nuk paraqet një vend strategjik, por as Serbia. Nuk janë probleme që nuk mund të zgjidhen. Janë probleme në grup, në të cilin gjendet diku edhe Kosova.
Në shtyrjen e votimit të rezolutës unë nuk e bëj fajtor Ekipin e Unitetit as udhëheqësinë e Kosovës. ajo ka qenë evidente dhe kjo është dashur t’i tregohet popullit. Nuk mundet që institucioni më i lartë i Ksoovës t’i drejtohet kosovarëve, mos u larrgoni prej vendit se do ta kremtojmë pavarësinë, e të nesërmen të thuhet se është shtyrë rezoluta. Kjo është përgjegjësi shumë e madhe dhe kjo përgjegjësi tani reflektohet në të gjitha fushat
operuese të qeverisë së Kosovës, edhe në ekonomi, por edhe në seriozitetin e obligimeve që qeveria duhet t’i kryejë.
Zëri: Nëse nesër do të dilte për votim në Këshillin e Sigurimit rezoluta për Kosovën, a pritni veton ruse?
Mt: “Me Beogardin është mirë të bisedohet drejtpërdrejt, bile edhe pa përkthyes”
Pacolli: Unë prapë po e përsëris atë që e kam thënë gjithmonë: Rusia asnjëherë nuk ka thënë se do ta përdorë veton. Këtë e ka thënë edhe ambasadori rus në Beograd para pak ditëve, por edhe ministri i jashtëm Lavrov. Kjo është një gjë e trilluar, mirëpo, ata me fuqinë e tyre po mundohen të shtyhen negociatat gjë që do t’u konvenonte momentalisht, vetëm momentalisht, konsolidimit të qeverisë serbe. Asgjë tjetër. Por është dashur t’u thuhet në sy qeveritarëve të Beogradit: Kosova asnjëherë nuk do të jetë më nën Serbi, ka marrë fund ajo punë. Ata e dinë këtë më mirë se ne në Kosovë. Sot çdokush e din në Serbi se Kosova nuk i nevojitet më Serbisë. Ata e dinë se është kryer problemi i Kosovës. Është mirë që Serbisë t’i thuhet se Kosova do të jetë aleat që do të vazhdojë të punojë me Serbinë, nuk do të ketë mur ndarës mes Kosovës dhe Serbisë, mirëpo do të jenë dy aleatë me të drejta të barabarta ndërkombëtare. Duhet të bisedohet dhe, nëse ka nevojë edhe të shkohet në Beograd, ose ata të vijnë në Prishtinë drejtpërsëdrejti. Të bisedohet bile edhe pa përkthyes…
Zëri: Edhe pa ndërmjetësues…?
Pacolli: Ndërmjetësuesit gjithmonë do të jenë aty. Mirëpo duhet të bisedohet në mënyrë të drejtpërdrejtë dhe t’u thuhet se çështja e Kosovës është e kryer dhe tani mund të bashkëpunojmë në fushën kulturore, arsimore, të shëndetësisë apo në ekonomi. E dijmë se ndoshta do të jetë humbje kohe, por të jepet edhe kjo shancë. Për mua personalisht nuk është katastrofë e madhe nëse shtyhet rezoluta për 120 ditë, mirëpo ne duhet të shkojmë më të përgatitur dhe të dijmë çdo ditë çka po ndodh në ato bisedime.
Zëri: Çka mendoni se duhet të bëhet gjatë këtyre 120 ditëve?
Pacolli: Unë besoj se duhet të punohet për zgjedhjet dhe për këto 120 qeveria dhe parlamenti duhet të punojnë me intensitet shumë të lartë. Po të vinte pavarësia këto ditë, ne kemi qenë shumë të papërgatitur. Ne nuk kemi as simbole. Është absurde që një grup njerëzish e hapin konkursin për simbolet e Kosovës, sikur të jenë ato një vepër artistike. Kjo gjë duhet të bëhet në parlament dhe parlamenti ka qenë dashur ta zgjedhë një grup për ta hapur konkursin. Të merret Ekipi i Unitetit me këto gjëra është një absurd që mund të ndodh vetëm në Kosovë dhe askund tjetër në botë. Ne ende nuk e dijmë me cilin flamur do të festohet pavarësia. Ky është një dëm i madh. Pas 120 ditëve ne duhet t’i kemi të gjitha të gatshme, Kushtetutën, flamurin, simbolet tjera.
Zëri: A jeni duke vazhduar lobimin për pavarësinë?
Pacolli: Unë që nga tetori i vitit 2005 në vazhdimësi jam duke vazhduar lobimin dhe rezultatet e këtij lobimi në SHBA kanë qenë evidente. Me fuqinë që kam jam duke punuar në Uashington qe dy vjet dhe të njëjtën gjë jam duke e bërë që nga shtatori i vitit të kaluar në Rusi.
Zëri: Cilat janë rezultatet e lobimit në Rusi?
Pacolli: Unë besoj dhe gjithmonë duhet thënë se janë pozitive. Ndoshta ideja e Presidentit (të Francës), Sarkozi ka qenë kompromisi i fundit politik me Rusinë. Asaj i
jepet kjo shansë, ne duhet të presim, mirëpo tani ne duhet të shkojmë me njerëz që çdo ditë duhet të raportojnë në mënyrë transparente dhe të sinqertë.
Zëri: Jeni optimistë se Rusia në fund do ta pranojë propozimin e Presidentit të Francës?
Pacolli: Ajo nuk është ide e tij (Presidentit Sarkozi). Është konkluzion i një marrëveshjeje e cila nuk është e shkruar sot.
Legjenda : “Është mirë që Serbisë t’i thuhet se Kosova do të jetë aleat që do të vazhdojë të punojë me Serbinë, nuk do të ketë mur ndarës mes Kosovës dhe Serbisë, mirëpo do të jenë dy aleatë me të drejta të barabarta ndërkombëtare. Duhet të bisedohet dhe, nëse ka nevojë edhe të shkohet në Beograd, ose ata të vijnë në Prishtinë drejtpërsëdrejti. Të bisedohet bile edhe pa përkthyes”: Behgjet Pacolli, kryetar i AKR-së

[Artikulli Origjinal]

Behgjet Pacolli kërkon të rikomponohet Ekipi i Unitetit

Moto; ”Unë nuk jam për atë që atyre (Ekipit të Unitetit) t’u merret e drejta të vazhdojnë bisedimet,
mirëpo ai duhet të begatohet, të rigjenerohet, të bëhet edhe me njerëz të tjerë,
me njerëz kompetentë, transparentë”, ka thënë dje Behgjet Pacolli,
sipas të cilit në këtë ekip do të duhej të përfshiheshin politikanë të para viteve të 90-ta.
Përndryshe Pacolli ende shpreson se Rusia nuk do ta perdor veton në Rezoluten për Kosovën

Behgjet Pacolli

Behgjet Pacolli

Kryetari i Aleancës Kosova e Re (AKR), Behgjet Pacolli ka hedhur dje idenë se Ekipi i Unitetit, në 120 ditëshin e ardhshëm duhet të funksionojë në përbërje të zgjeruar. Në një intervistë për “Zërin”, Pacolli ka akuzuar liderët kosovarë dhe negociatorët gjatë procesit të bisedimeve në Vjenë për triumfalizëm të paqenë dhe për mostransparencë. Biznesmeni i njohur me seli në Lugano të Zvicrës, tashmë ka instaluar në selinë e partisë së tij lidhjen ‘live’ në mënyrë që të mund t’i drejtojë takimet e kryesisë së partisë dhe të njoftohet për zhvillimet në parti edhe kur nuk është në Kosovë.

I njohur për lidhjet e tij afariste me Rusinë, Pacolli thotë se Kosova nuk është problemi kryesor në marrëdhëniet e Preëndimit me Rusinë, përderisa “Rusia asnjëherë deri më tani nuk ka kërcënuar me veto”.

Përderisa e shumicën e kohës e kalon në selinë e kompanisë së tij në Zvicër, Pacolli tashmë ka instaluar sistemin e videokonferencës në selinë e partisë së tij në Prishtinë për të qenë i pranishën në mbledhjet e kryesisë.

Zëri: z. Pacolli si e komentoni zgjatjen e procesit për zgjidhjen e statusit të Kosovës?

Pacolli: Nëse i shikoni intervistat që i kam dhënë në tetorin e vitit të kaluar, kam thënë se për statusin do të flitet vetëm pas 7 korrikut. Politikanëve të Kosovës nuk u kanë dalë datat që kanë dhënë. Unë mbrëmë me keqardhje dëgjova se Kuinti ka vendosur që të bisedohet edhe më tej me Serbinë dhe në këtë rast ne këtu do të kemi status kuo. Parlamenti i Kosovës duhet ta shqyrtojë konstelacionin e Ekipit të Unitetit, duhet ta vlerësojë transparencën e tyre, punën e tyre dhe gjithsesi ky grup duhet të konsolidohet. Ky grup nuk mundet më të tregojë gënjeshtra e të premtojë “sot, nesër…”. Ai është një organ që është zgjedhur nga ish Presidenti Ibrahim Rugova, është konfirmuar nga Parlamenti dhe ai tani duhet rikonsolidohet.

Zëri: Në çfarë mënyre mendoni…

Pacolli: Unë nuk jam për atë që atyre (Ekipit të Unitetit) t’u merret e drejta të vazhdojnë bisedimet, mirëpo ai duhet të begatohet, të rigjenerohet, të bëhet edhe me njerëz të tjerë, me njerëz kompetentë, transparentë. Populli është lodhur duke pritur.

Zëri: A kërkoni një vend ju personalisht në Ekipin e Unitetit?

Pacolli: Unë nuk jam pjesë përbërëse e Ekipit të Unitetit, as e qeverisë, as e parlamentit. Unë nuk insistoj, mirëpo ne kemi shumë njerëz me eksperiencë të cilët jetojnë në Kosovë dhe ata mund të përfshihen. Nuk është me rëndësi sa persona do të përfshihen, a do të jenë 10 apo 15, mirëpo ne duhet t’i tregojmë popullit transparencë dhe duhet të thuhet se nëse do të kemi 120 ditë tjera bisedime, për çka do të bisedohet dhe çka do të ndodh pas

këtyre 120 ditëve. Është e pamundur që t’u premtohet njerëzve, sepse ata janë të lodhur, janë nervozë dhe mund të provokohen dhe të krijohen probleme që mund të kenë pasoja.

Zëri: Cili emër mund t’i shtohej këtij grupi?

Mt: Në Grupin e Unitetit të hyjnë politikanët e para viteve të 90-ta

Pacolli: Do të kthehesha te veteranët. Ata që kanë qenë të involvuar në politikat e ish Jugosllavisë, bile para viteve të ’90-ta. Unë kam një mik që është kryetar i një prej shteteve të ish Jugosllavisë që me dinjitet kryen funksionin e vet e që thotë vazhdimisht se problemi i Kosovës nuk është problem që lindi me luftën në Kosovë, por është një proces shumë i gjatë që fillon qysh me Kushtetutën e vitit 1974, kur Kosova ka qenë pjesë përbërëse e ish federatës jugosllave, e barabartë me anëtarët tjerë në çdo pikëpamje deri sa Serbia e mori autonominë në fund të viteve ’80. Aty qëndron problemi. Kosovës duhet t’i jepet ai legjitimitet dhe të ndahet sikurse janë ndarë republikat tjera. Këtë më së miri do ta kishin bërë politikanët veteranë, e jo njerëzit që tani flasin në dimensione shumë të shkurta.

Zëri: Si e vlerësoni punën e deritanishme të Ekipit të Unitetit?

Read the rest of this entry »

Behgjet Pacollin e quajn gjeneral shqiptar në Kremlin

[Artikulli Origjinal]

Mabetex” është krijuar në vitin 1991 dhe në vitet e para të ekzistenës së saj, nuk ishte e njohur në Shqipëri. Shtypi i huaj ndërkohë e vlerësonte në maksimum. Në Mars të vitit 1996, u organizua takimi tek Presidenti i asaj kohe, Z. Sali Berisha. Aeroplani personal i Behgjetit do të vinte në darkë në Rinas, rreth orës 20:00, një dite më përpara. Shkuam në Rinas. Ishte një natë e bukur pa re dhe yjet dukeshin qartë. Asnjë makinë rreth e rrotull, asnjë njeri brenda dhe jashtë godinës, dhe të gjitha dyert ishin të mbyllura. Ora kalon 21:00. Ne shikojmë në qiell dhe mbi aeroport dritat e lëvizshme të një avioni që vinte vërdalle e vërdallë. I ramë derës, pastaj xhamit, dhe më në fund mbas 15 minutash, doli dikush i nervozuar. I shpjeguam se presim një mik, që duhet të jetë në aeroplanin që vjen vërdallë mbi Rinas, por nuk e kuptonim pse nuk ulej. Punonjësi i aeroportit, na shpjegoi me shumë qetësi se nuk ka asnjë njeri në kullën e komandimit, as në fushë, as gjëkundi. Të gjithë janë mbledhur tek salla e televizorit,-na tha- sepse Mike Tyson kishte ndeshje boksi. Por,- tha ai, mos u bëni merak, sepse ne e dimë që po vjen një biznesman amerikan dhe do çojmë njeri që të japi sinjal.
Në Shqipëri
Në takimin që u zhvillua në presidencë, pak orë më vonë, u diskutua mbi mundësitë e biznesit në Shqipëri. U thanë plot gjëra për turizmin, për rrugët, e për infrastrukturën. Nga ana jonë u kërkua Hotel “Dajti” për rikonstruksion dhe shtesë të re, ose ndonjë mundësi tjetër investimi në fushën e turizmit. (Kishin sjellë me vehte një portofol impresiv me punët e Mabetex-it në botë.) Ishim të interesuar sido të donte pala shqiptare me investim 100% të Mabetex-it, me joint-venture, me shtetin Shqiptar, apo me çdo lloj forme bashkëpunimi që mund të kërkohej. Na u tha që shteti Shqiptar nuk shihte ndonjë pengesë për hotel Dajtin, por kishte një joint-venture ekzistuese ndërmjet një kompanie Franceze dhe Hotel Dajtit, e cila skadonte më qershor 1996, dhe në qoftë se kompania nuk do të vazhdonte investimin (mbasi kontrata ishte vetëm 4 vjet) mbas qershorit, ne mund ta merrnim atë.
U zbatua një për një protokolli, që duhej për këtë punë. Lodhje, sorollatje, nënqeshje e qeshje, harxhim parash dhe nervash, dhe vazhdimi dihet. Edhe sot, më vjen keq, sepse Behgjeti do te “qwndiste” Hotel-Dajtin, ishte një rast që nuk kthehet më. Morëm pjesë në shumë tendera, sollëm mjaft kompani të huaja, të tilla si John Deere, Benz Mercedes, Nokia, etj. U bënë disa investime, ndonjë pune edhe u bë, por jo për nivelin e Mabetex-it. Me sa di,me pak ndryshim, kjo gjendje vazhdon edhe sot. Vështirë të bëhej një punë, pa sorollatje, pa u sharë, pa u akuzuar, pa bërë sherr që vazhdon e nuk shuhet e asnjë nuk fiton. U punua shumë me lodhje dhe nerva, me burokracinë, por paaftësia e administratës, e gërshtuar me miopinë politike solli këtë impotence , e kjo bëri që gjërat të mos shkonin siç duhet. Asnjë përgjigje zyrtare, heshtje e shurdhër, edhe sepse në shumicën e punëve investimi 100% do të ishte i Mabetex-it, as nuk bëhej fjalë për tendera me paratë e të tjerëve. Ato nuk ishin për ne.
Një kompani ndryshe
Por, gjërat janë ndryshe në vend të tjera. Në një vend si Zvicra, ku ka një psikologji e mentalitet të vjetër Europian, nuk është kollaj të punoj një shqiptar. E që të lulëzosh në mes te Luganos, është e vështirë por jo e pamundur. Këtë e ka treguar rasti i Behgjet Pacollit, që ka ecur falë një arsye të thjeshtë: puna dhe vetëm puna.
Mabetexi ka një staf absolut. Për më shumë akoma punohet në vënde ku gjuha, zakonet, e traditat ndryshojnë në mbi 100 nacionalitete.
Në pamje të parë gjërat dukeshin në qetësi, por dalëngadalë ato ktheheshin në një ansambël me një dirigjent që e dinte përmendësh partiturën e tij. Ky mbetet Behgjeti. Ai është një kampion i punës, nuhatës dhe zotërues i situatës, duke u orientuar drejt në çdo kohë, ditën dhe natën. Zgjidhjet e problemeve ishin të shpejta e të papritura. Gjithmonë, ai do të dinte të kombinonte të renë me tradicionalen.
Në Lugano, e zonja e hotelit ku ne flinim, kishte qënë Miss Zvicra në vitet 60. Gjithmonë ajo pyeste, “Si është, te fala Mr. Pacollit. Edhe në qoftë se nuk fitoni ndonjë gjë materiale, nga ai fitoni shumë. Ai është një gjeneral me grada pune, që i ka humbur ora. Ora e tij tregon vetëm pune.”
Mabetex në Botë
Me një ekip të RTV-së, morëm pjesë në inagurimin e një spitali në Jakuti, (Sibërinë e largët). Jashtë ishte -40, -50 C., ndërsa brenda ishte një festë e jashtëzakonshme. Një spital në qoshen e botës, por me një avancim që ia kalonte Botës Perëndimore. Akoma dhe sot nuk kam parë a dëgjuar të tillë. Nga ngrica e madhe, atje nuk ndërtohej mbi themele betoni, por mbi pilota betoni. Gjithkund, shikoje shkolla, hotele, fabrika, që mbanin vulën Mabetex. Kur u inagurua spitali, nuk mungonte as regjistri i urgjencës, nuk kishin harruar të sillnin as disa ambulanca nga Gjermania. Kjo kompani i dorëzon veprat me turn-key ose me çelësa në dorë.
Mijëra punëtorë shqiptarë, projektues, inxhinierë, zbatues, e të tjerë, në një staf që flitej më shumë se katër gjuhë të huaja, të shpërndara në të gjithë cepat e ish-Bashkimit Sovjetik, koordinoheshin me njëra-tjetrën, pa zhurmë, qetë, me kulturë dhe buzagaz. Sepse nuk duhet vetëm të dish, por dhe të duash.
Pacolli e ka ngritur biznesin nga zero tek majat më të larta. Agresiv, ai ka arritur të kombinoj perfekt biznesin dhe politikën. I përvitshëm në takimin e Crans-Montanës, që organizohet në Zvicer, ka bërë që të ketë lidhje ndërkombëtare me një popullaritet në rritje. Punët nuk kanë ecur gjithmonë si në vaj, sepse dihet nëse riskon mund të humbasësh, ama por nuk riskove, i humbur je gjithsesi. Rusia, Kazakistani, Ukraina, Uzbekistani e të tjerë janë planet më vete. Që të shkosh objekt në objekt, janë me mijëra e mijëra kilometra rrugë. Vetëm për të shkuar nga Moska në Jakuti dita ndërron tre herë. Në këto vende linjat e aeroplanëve punojnë sipas orareve lokale, dhe te sinkronizosh këto linja me orët e takimit nuk është e lehte, sidomos në ditë që avioni lokal nuk punon fare.
Kur ishim në Moskë, në një MAPO që po ndërtohej, në mencë vjen një punëtor i ri, ulet në tavolinën ku ne po hanim, shikon rreth e rrotull dhe nuk njeh as një njeri. Si i hutuar, pas pak ai pyet, “Behgjetin, a e njifni Behgjet Pacollin’ ? “ “Po, e njoh”, i thotë Behgjeti, pa i treguar se kush ishte, “Po ti prej ka je?” “Jam i Gjilanit”, thotë punëtori. “Eh, unë jam Behgjeti, a u lodhe o burrë”.
Festa e krijimit të Mabetex-it zakonisht zhvillohet në fund të dhjetorit, sipas rastit, herë në Lugano, herë në Moskë, dhe një vit ajo u zhvillua në Prishtinë, për arsyen e thjeshtë qe të merrnin pjesë dhe punëtorët meqënëse banonin aty. Ishte me të vërtetë festë shqiptare. Ambienti, muzika, repertori i zgjedhur, e shume personalitete te ftuara, gjithçka ishte në vendin e vet, thjesht edhe bukur.
Sot, Mabetex po ndërton kryeqytetin e ri të Kazakistanit,Astana, me të gjithë strukturën dhe infrastrukturën që kërkohet, godina parlamentare, presidenciale, zyra, rrugë, aeroporte, ku punojnë rreth 3000-4000 shqiptarë. Pse duhet të shkojmë të bredhin nëpër botë? Nuk ka punë në Shqipëri e Kosovë?
Në ditët tona, Behgjet Pacolli, është atdhetar jo me pak se cilido politikan Shqiptar, nëse jo më shumë. E dëshmuar kjo si drita e diellit, por e parë ndonjëherë me syze të errëta. Ai është i pari enterprenuur shqiptar i stilit classic, që jeton dhe i bashkëngjitet popullit të tij në rrugën e përparimit.
*Toronto, Canada
p.s. Në Shqipëri kuptohet gjërat rrjedhin nga pak ose aspak. Unë isha përfaqësues personal i Behgjetit dhe drejtor i Mabetex-Al. Nga ana jonë u bë një punë e madhe në dy drejtime paralele. E para, që të rritej popullariteti i Mabetex-it në Shqipëri dhe e dyta: një pjesëmarrje aktive në biznesin shqiptar. Diçka u bë: dy ekipe të RTVSH-së ndërtuan dy emisione, që u transmetuan 3-4 herë në televizionin Shqiptar me punët e Mabetex-it në botë .

Një gjeneral shqiptar në Kremlin

Behgjet Pacolli

Behgjet Pacolli

Mabetex” është krijuar në vitin 1991 dhe në vitet e para të ekzistenës së saj, nuk ishte e njohur në Shqipëri. Shtypi i huaj ndërkohë e vlerësonte në maksimum. Në Mars të vitit 1996, u organizua takimi tek Presidenti i asaj kohe, Z. Sali Berisha. Aeroplani personal i Behgjetit do të vinte në darkë në Rinas, rreth orës 20:00, një dite më përpara. Shkuam në Rinas. Ishte një natë e bukur pa re dhe yjet dukeshin qartë. Asnjë makinë rreth e rrotull, asnjë njeri brenda dhe jashtë godinës, dhe të gjitha dyert ishin të mbyllura. Ora kalon 21:00. Ne shikojmë në qiell dhe mbi aeroport dritat e lëvizshme të një avioni që vinte vërdalle e vërdallë. I ramë derës, pastaj xhamit, dhe më në fund mbas 15 minutash, doli dikush i nervozuar. I shpjeguam se presim një mik, që duhet të jetë në aeroplanin që vjen vërdallë mbi Rinas, por nuk e kuptonim pse nuk ulej. Punonjësi i aeroportit, na shpjegoi me shumë qetësi se nuk ka asnjë njeri në kullën e komandimit, as në fushë, as gjëkundi. Të gjithë janë mbledhur tek salla e televizorit,-na tha- sepse Mike Tyson kishte ndeshje boksi. Por,- tha ai, mos u bëni merak, sepse ne e dimë që po vjen një biznesman amerikan dhe do çojmë njeri që të japi sinjal.

Në Shqipëri

Në takimin që u zhvillua në presidencë, pak orë më vonë, u diskutua mbi mundësitë e biznesit në Shqipëri. U thanë plot gjëra për turizmin, për rrugët, e për infrastrukturën. Nga ana jonë u kërkua Hotel “Dajti” për rikonstruksion dhe shtesë të re, ose ndonjë mundësi tjetër investimi në fushën e turizmit. (Kishin sjellë me vehte një portofol impresiv me punët e Mabetex-it në botë.) Ishim të interesuar sido të donte pala shqiptare me investim 100% të Mabetex-it, me joint-venture, me shtetin Shqiptar, apo me çdo lloj forme bashkëpunimi që mund të kërkohej. Na u tha që shteti Shqiptar nuk shihte ndonjë pengesë për hotel Dajtin, por kishte një joint-venture ekzistuese ndërmjet një kompanie Franceze dhe Hotel Dajtit, e cila skadonte më qershor 1996, dhe në qoftë se kompania nuk do të vazhdonte investimin (mbasi kontrata ishte vetëm 4 vjet) mbas qershorit, ne mund ta merrnim atë.

U zbatua një për një protokolli, që duhej për këtë punë. Lodhje, sorollatje, nënqeshje e qeshje, harxhim parash dhe nervash, dhe vazhdimi dihet. Edhe sot, më vjen keq, sepse Behgjeti do te “qwndiste” Hotel-Dajtin, ishte një rast që nuk kthehet më. Morëm pjesë në shumë tendera, sollëm mjaft kompani të huaja, të tilla si John Deere, Benz Mercedes, Nokia, etj. U bënë disa investime, ndonjë pune edhe u bë, por jo për nivelin e Mabetex-it. Me sa di,me pak ndryshim, kjo gjendje vazhdon edhe sot. Vështirë të bëhej një punë, pa sorollatje, pa u sharë, pa u akuzuar, pa bërë sherr që vazhdon e nuk shuhet e asnjë nuk fiton. U punua shumë me lodhje dhe nerva, me burokracinë, por paaftësia e administratës, e gërshtuar me miopinë politike solli këtë impotence , e kjo bëri që gjërat të mos shkonin siç duhet. Asnjë përgjigje zyrtare, heshtje e shurdhër, edhe sepse në shumicën e punëve investimi 100% do të ishte i Mabetex-it, as nuk bëhej fjalë për tendera me paratë e të tjerëve. Ato nuk ishin për ne.

Një kompani ndryshe

Por, gjërat janë ndryshe në vend të tjera. Në një vend si Zvicra, ku ka një psikologji e mentalitet të vjetër Europian, nuk është kollaj të punoj një shqiptar. E që të lulëzosh në mes te Luganos, është e vështirë por jo e pamundur. Këtë e ka treguar rasti i Behgjet Pacollit, që ka ecur falë një arsye të thjeshtë: puna dhe vetëm puna.

Mabetexi ka një staf absolut. Për më shumë akoma punohet në vënde ku gjuha, zakonet, e traditat ndryshojnë në mbi 100 nacionalitete.

Në pamje të parë gjërat dukeshin në qetësi, por dalëngadalë ato ktheheshin në një ansambël me një dirigjent që e dinte përmendësh partiturën e tij. Ky mbetet Behgjeti. Ai është një kampion i punës, nuhatës dhe zotërues i situatës, duke u orientuar drejt në çdo kohë, ditën dhe natën. Zgjidhjet e problemeve ishin të shpejta e të papritura. Gjithmonë, ai do të dinte të kombinonte të renë me tradicionalen.

Në Lugano, e zonja e hotelit ku ne flinim, kishte qënë Miss Zvicra në vitet 60. Gjithmonë ajo pyeste, “Si është, te fala Mr. Pacollit. Edhe në qoftë se nuk fitoni ndonjë gjë materiale, nga ai fitoni shumë. Ai është një gjeneral me grada pune, që i ka humbur ora. Ora e tij tregon vetëm pune.”

Mabetex në Botë

Me një ekip të RTV-së, morëm pjesë në inagurimin e një spitali në Jakuti, (Sibërinë e largët). Jashtë ishte -40, -50 C., ndërsa brenda ishte një festë e jashtëzakonshme. Një spital në qoshen e botës, por me një avancim që ia kalonte Botës Perëndimore. Akoma dhe sot nuk kam parë a dëgjuar të tillë. Nga ngrica e madhe, atje nuk ndërtohej mbi themele betoni, por mbi pilota betoni. Gjithkund, shikoje shkolla, hotele, fabrika, që mbanin vulën Mabetex. Kur u inagurua spitali, nuk mungonte as regjistri i urgjencës, nuk kishin harruar të sillnin as disa ambulanca nga Gjermania. Kjo kompani i dorëzon veprat me turn-key ose me çelësa në dorë.

Read the rest of this entry »

Intervitë e kryetarit të AKR-së, z. Behgjet Pacolli, shkurt 2007 lidhur me situatën e krijuar ne Kosovë

Pavarësia në korrik, problem është Kina jo Rusia
120 ditë do të jetë periudha e tranzicionit
EPOKA E RE: Z. Pacolli brenda kësaj jave pritet që kryenegociatori për statusin e Kosovës, Martti Ahtisaari, t’ua prezantojë palëve planin e tij, të cilin ju e keni parë. Si do ta komentonit këtë pako dhe çfarë përmban ajo brenda saj?
Pacolli: Nëse nuk ndërron asgjë, Ahtisari më datë 2 shkurt do ta prezantojë pakon e tij në Prishtinë. Janë dy volume apo pjesë: pjesa politike dhe ajo teknike, me disa shtojca apo të ashtuquajtura anekse dhe Ahtisari nuk e përmend pavarësinë, siç kanë thënë. Për mua është shumë e logjikshme dhe asnjëherë nuk e kam pritur që Ahtisari ta përmend në dokumentin e tij pavarësinë, për arsye se ai nuk ka kurrfarë autorizimi ta përmend pavarësinë. Ai nuk është personi që do ta definojë një Kosovë të pavarur apo sovranitetin serb mbi Kosovën. Puna e Ahtisarit ka qenë një vazhdim i punës së Kai Aides dhe ai ka përshkruar situatën në terren, ka dëgjuar opinionin e Serbisë, ka verifikuar dokumentacionin shtetëror që Serbia posedon për Kosovën në ato fusha që atij i ka interesuar, është kthyer në Kosovë dhe në bazë të gjitha informatave që i ka marrë, si dokumentaret, opinionet e ndryshme, situatën në terren, ka përpiluar dokumentin në të cilin përshkruan mënyrën se si do të funksionojë Kosova në të ardhmen. Në bazë të këtij përshkrimi Kombet e Bashkuara, pikërisht Këshilli i Sigurimit, do ta marrë vendim dhe me një përqindje shumë të madhe do të propozojë pavarësinë e Kosovës, e cila do të kalojë me vota të anëtarëve të përhershëm të KS-së dhe pritet që ajo të votohet. Janë tri vota të sigurta, më duket se do të ketë një abstenim nga Rusia, mirëpo Kina është tani e padefinuar.
EPOKA E RE: Ju përmendët Raportin e Kai Aides, i cili përshkruan brenda tij se duhet të ketë një status të ardhshëm për Kosovën. A është edhe pakoja e Ahtisarit me këtë përmbajtje apo në këtë vazhdë të definimit të statusit të Kosovës?
Pacolli: Është vazhdim i punës. Kai Aide ka bërë një raport vetëm për përmbushjen e standardeve në Kosovë. Ndërsa, Ahtisari në bazë të Raportit të Aides ka trasuar rrugën apo mënyrën se si Kosova do të ecë përpara, me shumë kujdes, sidomos në raportet ndërnacionale, ndërnjerëzore dhe ndërfetare në Kosovë. Ai kujdesin më të madh ia ka kushtuar bashkëjetesës në mes të komunitetit serb dhe shqiptar. Këtu do të ketë ngatërrime dhe për këtë është paraparë një kohë prej 120 ditëve duke filluar nga data 2 shkurt. Pra, 120 ditë do të jetë periudha e tranzicionit dhe në këtë kohë do të ketë takime mes palëve, do të thotë mes Prishtinës dhe Beogradit. Do të sqarohen shumë gjëra dhe do të ketë shumë pyetje. Këtu qeveria vendore do të jetë më pak e plotfuqishme në këtë periudhë, jo që do t’i merren të drejtat e qeverisjes vendore, mirëpo ajo nuk do të ketë fuqi që ta ndërrojë situatën, por ajo duhet ta pranojë në atë mënyrë. Mund të pyes dhe të dëgjojë, të bëjë sqarime, mirëpo frikohem se në këtë pako nuk do të mund të ndërrohet diçka vetëm nga njëra palë, do të ketë ndryshime vetëm nëse të dyja palët janë dakord. Nëse njëra palë nuk është dakord nuk mund të ndërrohet konkluza që e ka paraqitur në dokumentin e tij Ahtisari.
EPOKA E RE: Mund të kemi në një rast të tillë një Kosovë të “papagëzuar” që do t’u jepte mundësi të gjitha palëve ta “pagëzojnë” sipas dëshirës së tyre?
Pacolli: Kosova nuk mund të jetë anonime pas gjysmës së dytë të prillit. Deri atëherë do të jetë e “papagëzuar”, nuk do ta ketë një emër. Do të jetë një periudhë e tranzicionit. Do të ketë takime, do të qeveriset Kosova nga vendorët si deri më tani, mirëpo në mënyrë të limituar. Do të jetë e limituar edhe në deklaratat e tyre ndaj publikut, do të ketë një censurë për masmediat dhe çdo gjë do të jetë shumë e kontrolluar nga komuniteti ndërkombëtar.
Është obligim moral i Rusisë që ta përkrahë Beogradin, por në momentin e fundit do të abstenojë
EPOKA E RE: Ju thoni se zgjidhja do të shkojë në KS të OKB-së dhe në anën tjetër, keni thënë së Rusia nuk do ta përdorë VETO-n. Mbi çfarë argumentesh Rusia nuk do ta përdorë VETO-n?
Pacolli: Jam i bindur se Rusia nuk do ta përdorë veton. Ju e dini se unë kam lobuar në SHBA menjëherë pas ngjarjeve të viti 2001, duke parë të arsyeshme se çdo gjë është harruar për Kosovën në atë kohë. Normalisht kanë qenë probleme shumë të mëdha si Afganistani, më vonë Iraku, sulmet terroriste në Spanjë, Londër dhe tragjeditë me ushtarët amerikanë dhe shumë pak vend ka pasur të për Kosovën. Unë e kam parë të arsyeshme që të krijohet një grup i njerëzve lobit nga administratat e përparshme, duke filluar nga ish-Presidentët Karter, Regan e Bushi i vjetër dhe të gjithë kanë qenë njerëz me një “begraund” të fortë politik, të cilët kanë lobuar për Kosovën, që emri dhe problemi i Kosovës të mos harrohet dhe ajo punë është kryer me një efikasitet shumë të madh. Një gjë e tillë është dashur të bëhet edhe në Rusi. Ndoshta ka qenë e pakuptueshme prej popullit në Kosovë, prej opinionit publik, sidomos nga masmediat dhe gazetarët, kur kam thënë se duhet të punohet me Veriun, Jugun, Lindjen dhe Perëndimin. Rusia, duam apo nuk duam, është anëtar i përhershëm i KS të OKB-së, është një fuqi reale sot në botë dhe është dashur të punohet. Unë e di prej diplomacisë, prej leximit, prej eksperiencës, se nëse armikun nuk mund ta luftosh, tento të bëhesh “komplic” i tij, ose tento ta fitosh si “komplic” dhe është dashur të punohet me ta, pse jo të bëhet lobim atje. Këtë nuk e ka përkrahur opinioni publik në Kosovë, nuk e kanë përkrahur qeveritarët, mirëpo unë e kam parë të arsyeshme që të lobohet në Rusi. Unë po bëj të njëjtën gjë ende të SHBA dhe Bruksel, të njëjtën gjë edhe në Rusi. Dhe besoj se kjo do të ketë sukses. Rusia do të jetë shumë konstruktive në momentin e fundit, edhe pse Rusia deri në momentin e fundit do të angazhohet shumë që Serbia sa më tepër të përfitojë prej kësaj situate. Është e logjikshme, sepse janë të afërt, kanë një fe, kanë një prejardhje, është shumë Rruga UÇK nr.55, Prishtinë , Kosovë tel. +381(0) 38 247 988 – email : akr@akr-ks.com
logjike, askush nuk duhet ta marrë si tragjike këtë. Është e njëjta gjë, sikur neve që na përkrahë Shqipëria, është obligim moral i Shqipërisë, edhe në këtë rast është obligim moral i Rusisë që ta përkrah Beogradin. Mirëpo, në momentin e fundit Rusia do të abstenojë.
EPOKA E RE: Në vazhdën e lobimit Qeveria e Kosovës vitin e kaluar kishte një takim me zyrtarë rusë dhe ju keni deklaruar se nuk ju kanë kontaktuar dhe se ajo ka dështuar. Vërtet nuk ka ndikuar ajo vizitë në përmirësimin e pozitës tonë në Rusi?
Pacolli: Vizita ka qenë një komprometim për neve. Si njeri i parë i një qeverie të një shteti në gjithë botën ai tenton dhe normalisht është dashur të takohet me homologun e tij. Sot kemi shtete të vogla dhe të mëdha dhe dikush nga Paraguai apo Xhamajka shkon në cilësinë e kryeministrit dhe takohet me Bushin, ashtu e do protokolli. Dhe shkuarja e kryeministrit në Rusi pa asnjë përgatitje, për mua ka qenë një befasi. Një javë para se të bëhet kjo vizitë, kam thënë se nuk duhet të bëhet dhe kam tentuar që ajo të mos bëhet. Ata kanë shkuar dhe e kam ditur se nuk do të kenë sukses, sepse janë takuar me njerëz pa kurrfarë kompetence. Kjo ishte sikur të kishte ardhur ndokush në shtëpi, të troket në derë dhe i zoti i shtëpisë t’u thotë fëmijëve ‘hajt dilni të dera dhe shikoni çka po do ai’. Ashtu ka qenë kjo vizitë, mirëpo prapë se prapë, ajo ka pasur një jehonë, sepse kam arritur që në momentin e fundit ta bëjë atë çka është mundur të bëhet. Kam organizuar një konferencë me gazetarë shumë prestigjioze për kryeministrin në Rusi, në klubin më prestigjioz të masmediave në Rusi. Ka pasur efektin e vet pozitiv apo negativ është harruar dhe tani nuk është bërë asgjë, nuk është prishur puna dhe ky lobim do të ketë efektin e vetë.
Misioni i BE-së minimum pesë vite do të qëndrojë në Kosovë
EPOKA E RE: Mundeni ju tani nga pozita që keni, që në minutat e fundit, të themi ashtu, t’i ndihmoni institucionet e Kosovës në raport me Rusinë, që kjo e fundit ta ndryshojë mendimin që tani ka?
Pacolli: Gjithmonë për çdo gjë që ruhet në momentin e fundit ekziston rreziku që të mos ia dalë askush, të mos ketë sukses apo cilësi. Nuk jam prej momentit të fundit duke punuar, por unë që nga nëntori dhe kam edhe tre muaj kohë për të punuar dhe do të punoj. Unë besoj se do të bëhet një punë e mirë, aq efektive sa i nevojitet Kosovës që ta kalojë këtë situatë.
EPOKA E RE: Ju thoni se Kina do të jetë problemi. Mendoni se asaj nuk i është kushtuar vëmendje e duhur dhe se është anashkaluar gabimisht, dhe se tani ajo do të na shkaktojë shumë probleme në definimin e statusit të Kosovës në KS të OKB-së?
Pacolli: Ne kemi vizituar shumë shtete, është dashur të punohet edhe me Kinën, nuk është menduar se Kina është anëtare e përhershme e KS të OKB-së, njësoj si Amerika dhe të tjerët. Unë shumë besoj se në këta tre muaj dikush do të merret edhe më Kinën. Kam pasur një takim të nivelit të lartë dhe është hapur tema e Kosovës. Ata kanë qenë skeptik dhe dyshoj se Kina mund të bëjë problem.
EPOKA E RE: A mund të jetë Kosova si rast precedent në marrëdhëniet ndërkombëtare, siç paralajmëron Rusia dhe tani të njëjtën gjë mund ta bëjë edhe Kina, për shkak se kanë probleme të në rajonet e tyre?
Pacolli: Ashtu është. Rusisë rasti i Kosovës apo pavarësia e saj drejtpërdrejt i konvenon, për arsye se nëse e merr si precedent, atëherë ajo do ta bëjë të njëjtën gjë me Isterin dhe Osetinë, mirëpo nuk e shoh se do të luhet kjo kartë apo biletë. Miqtë tanë në perëndim do të mundohen të bëjnë çdo gjë që Kosova të mos jetë precedentë, të mos ketë një paraqitje të tillë, mirëpo të deklarohet si një proces që ka filluar me qindra vjet më parë, menjëherë pas viteve të ’13-ta të shekullit XX-të e deri më tani. Kështu komuniteti ndërkombëtar, sidomos miqtë dhe lobuesit e Kosovës, këtë proces e përshkruajnë si një proces që nuk ka filluar tani, nuk është si rezultat i bombardimeve të NATO-së, por si rezultat i jetës mes dy luftërave botërore, i Luftës së Dytë Botërore, i vuajtjeve dhe tragjedive që Kosova kishte pasur gjatë kësaj lufte në fund të viteve të ’40-ta dhe ’50-ta, emigrimit masiv për në Turqi etj. Ndodhitë e ’68-tës, të ’74-tës, të ’81-it, ’89-tës dhe sidomos periudha 1989/99 dhe eksodi që Millosheviqi e provokoi. Ky proces merret parasysh, ky proces duhet të përshkruhet si proces dhe jo si precedent. Një proces që ka një kohë shumë të gjatë që e rëndon situatën në terren, jo vetëm tani.
EPOKA E RE: Kjo do të thotë se Serbisë pak ose hiq do t’i ndihmojë e Drejta Ndërkombëtare, mbi të cilën mbështetet se do të mund ta mbajë Kosovën nën sovranitetin e saj?
Pacolli: Po dhe Jo! Mirëpo, nëse merret si precedent, atëherë ajo do ta ndihmojë sepse ekziston Rezoluta e OKB-së që mbron sovranitetin. Mirëpo, nëse futet varianti se ky është një proces që ka filluar para formimit të OKB-së, proces që nuk është kryer, atëherë ky pretendim i Serbisë do të dalë nga funksioni. Mu këtu është problemi tani. Nëse kemi fat që komuniteti ndërkombëtar e mbron këtë tezë se procesi i Kosovës ka filluar para Luftës së Parë Botërore dhe është bërë i padrejtë aneksimi i Kosovës nga Serbia, atëherë ka shanse të mëdha dhe duket ashtu sot se ky proces kështu do të paraqitet dhe kështu do të trajtohet nga KS i OKB-së.
EPOKA E RE: Pakoja e Ahtisarit, po ashtu parasheh transformimin e UNMIK-ut në një mision të BE-së. Si e shihni ju rolin dhe fuqinë që do ta ketë ky mision në Kosovë?
Pacolli: Është e njëjta gjë si UNMIK-u, vetëm se ne do të kemi kualitet dhe cilësi të ndërkombëtarëve. Derisa UNMIK-u ka mbledhur njerëz nga shumë vende të botës, pa e verifikuar shumë kualitetin, eksperiencën e tyre, sepse ne kemi parë njerëz që asnjëherë në jetën e tyre nuk kanë qenë inspektorë të një subjekti që ata e kanë aplikuar në Kosovë. Këtu kemi pasur të bëjmë Rruga UÇK nr.55, Prishtinë , Kosovë tel. +381(0) 38 247 988 – email : akr@akr-ks.com
më njerëz të çuditshëm, edhe pse Kosova ka përfituar nga prezenca globale në Kosovë. Me ardhjen e BE-së ne do të kemi cilësi shumë të mirë në njerëz, profesionistë që do t’u ndihmojnë kosovarëve ta formojnë dhe zhvillojnë shtetin e tyre. Një dallim tjetër i arsyeshëm është se OKB-ja është larg, ne jemi në derë të Evropës dhe një e tretë është se, me Evropën do t’i mësojmë gjërat dhe do t’i respektojmë ato standarde “vigjente” në Evropë. Po ashtu, do të jemi më të përgatitur për një hyrje të rajonit në BE, pasi që nuk ka më hyrje një nga një. Evropa do ta hapë derën dhe i gjithë rajoni do të hyjë njëherazi.
EPOKA E RE: Po si do t’u përgjigjeni zërave që thonë se ky mision do të jetë edhe më i rreptë se ai në Bosnjë?
Pacolli: Ne duhet ta presim ashtu. Është i vështirë, i vështirë si ta kuptosh. Nëse është i rreptë do të ketë cilësi më të mëdha, pasi që ne nuk jemi të përgatitur për udhëheqjen e një shteti. Ne nuk kemi struktura për udhëheqjen e një shteti, ne nuk jemi të vetëdijshëm se nuk jemi të përgatitur. Me këtë korrupsion, këtë padrejtësi që jemi duke ia bërë popullit tonë, me këtë mënyrë të ekonomizimit, politikës, nuk jemi të përgatitur. Ne jemi diletantë në këtë drejtim dhe kemi nevojë edhe shumë për ndihmë ndërkombëtare dhe ajo do të jetë. Nuk kam vendosur unë si Behxhet Pacolli, mirëpo unë e shoh të arsyeshme prezencën e tyre. Sa më rigide që të jetë ajo, do të thotë se tregon se barometri ka rënë ulët, sa i përket vlerësimit të aftësive të qeverisë vendore.
EPOKA E RE: Sa e gjatë mendoni se do të jetë kjo periudhë e administrimit të ri ndërkombëtar?
Pacolli: Unë besoj se së paku edhe pesë vjet. Mund të flasim pas pesë vjetëve, ndoshta që do të lirohemi dhe edhe më tutje do të kemi mbikëqyrës në një numër më të reduktuar. Mirëpo, në pesë vjetët e ardhshme jam i bindur se do të ballafaqohemi me ndërkombëtarët. Për mua është një gjë pozitive. Ndërkombëtarët mund vetëm dije të sjellin, e sidomos cilësia evropiane është shumë e nevojshme për Kosovën. Shoqëria kosovare me ardhjen e ndërkombëtarëve ka përfituar shumë, jo materialisht sepse asgjë materialisht nuk ka përfituar, por në fushat tjera po, si në njerëz, kompjuterë, teknologji, muzikë, pra ka pësuar një hapje ndaj botës dhe kemi një rini shumë të përgatitur. Ndërkombëtarët kanë qenë ata të cilët kanë paqësuar dy partitë më të mëdha në pushtet. Ju e dini se mbi tre muaj nuk kemi mundur ta zgjedhim kryetarin në Kosovë dhe po të mos kishin qenë ndërkombëtarët çka do kishte ndodhur këtu. Një luftë civile ndoshta?!
Unë i kam punët mirë dhe jam president i vetvetes… kam ardhur këtu t’ia paguaj borxhin Kosovës
EPOKA E RE: Ju doni të thoni se prezenca e tanishme dhe e ardhshme në Kosovë është rezultat i paaftësisë së vendorëve për të qeverisur me vendin, për të cilën gjë edhe i kritikoni?
Pacolli: Prezenca ndërkombëtare këtu është si pasojë e paaftësisë së vendorëve. Jo që nuk janë të aftë, dreqësitë i dinë shumë mirë, por nuk kanë prirje, nuk kanë vullnet të bëjnë diçka. I marrin gjërat me lehtësi, shkel e shko, nuk janë serioz në ekzekutimin e detyrave të tyre. Kanë papërgjegjësi dhe e gjithë kjo e bën për t’u qeshur me qeverinë tonë. Jo se nuk i dinë, sepse gjërat nëse nuk i dinë i mësojnë. Nuk ka njeri që i di të gjitha gjërat, por nëse nuk i di ti shkon i shfleton dhe i mëson ato, mirëpo nëse ti nuk ke vullnet dhe konstruktivitet, ti je i destinuar në mossukses. Nëse ke vullnetin dhe konstruktivitetin ke për t’ia dalë asaj.
EPOKA E RE: Është paralajmëruar se nëse Kosova e shpallë pavarësinë, serbët, përkatësisht pjesa veriore e Kosovës, do të mund të shpallin autonomi. A ekziston realisht ky rrezik tani?
Pacolli: Jo, jo, nuk do të ndodhë kjo. Kosova nuk do ta shpallë vetë pavarësinë, nuk do të ndodhë ajo, nën një. Kosova kurrë nuk do të ndahet. Brenda Kosovës mund të ndodhin gjëra që nuk do t’u pëlqejnë shqiptarëve, nuk u pëlqejnë serbëve, nuk i pëlqejnë ndonjë partie politike, mund të ndodhë. Mirëpo, nuk do të ndahet Kosova, nuk do të ndahet Mitrovica e Veriut dhe Kosova nuk do t’i bashkohet askujt. Si e tillë do të hyjë në BE.
EPOKA E RE: Vazhdoni ta kritikoni qeverinë për gjendjen e tanishme, vërtet qeveria e ka sjellë këtë gjendje dhe kush do të duhej realisht ta mbajë përgjegjësin për këtë që kemi sot?
Pacolli: Mosserioziteti në punën e tyre. Nuk janë marrë gjërat me seriozitet, normalisht jo krejt. Kemi njerëz shumë të sinqertë, seriozë, njerëz punëtorë dhe këta janë shumica. Si është konsoliduar qeveria e Kosovës është një gjë që unë ende sot nuk e kuptoj. Nuk janë marrë parasysh profesionet, nuk janë marrë parasysh meritat e njerëzve, nuk janë marrë parasysh rezultatet e njerëzve. Është formuar një qeveri pa kuptim. Prandaj, edhe nuk ka rezultat kjo qeveri. Prandaj, kemi edhe sot gjenerim të varfërisë, papunësisë dhe gjendja sociale është çdo ditë e më e keqe.
EPOKA E RE: Kishte shumë deklarata për mundësinë e krijimit të një qeverie gjithëpërfshirëse në Kosovë në prag të statusit. A do të pranonit ju që të jeni pjesë e kësaj qeverie, nëse do të ndodhë diçka e tillë?
Pacolli: Vetëm nëse do të ishte shumë e qartë dhe e sigurt se në atë qeveri punojnë profesionistët, njerëzit që e duan punën, njerëzit e sinqertë, njerëzit transparentë. Ndryshe, nuk kisha dashur të jem pjesë përbërëse e një qeverie. Ju i dini qëllimet e mia, nuk kam ardhur këtu që të shtyhem për një vend në Parlament, as të luftoj për një funksion diku tjetër. Unë i kam punët mirë dhe jam president i vetvetes dhe jo i një kompanie, unë kam jetën time të lirë, kam ardhur këtu t’i ndihmojë Kosovës. T’ia paguajë borxhin Kosovës dhe për këtë unë duhet ta respektoj atë që ma garanton suksesin tim dhe kjo vetëm nëse unë planifikoj, ekzekutoj, kontrollojë dhe e kam unifikimin e rezultateve… (VIJON).
Intervitë e kryetarit të AKR-së, z.Behgjet Pacolli, dhënë të përditshmes Epoka e Re, të datës 1 dhe 2 shkurt 2007
Rruga UÇK nr.55, Prishtinë , Kosovë tel. +381(0) 38 247 988 – email : akr@akr-ks.com

[Artikulli Origjinal]

Pavarësia në korrik, problem është Kina jo Rusia

Intervitë e kryetarit të AKR-së, z.Behgjet Pacolli, dhënë të përditshmes Epoka e Re,
të datës 1 dhe 2 shkurt 2007

120 ditë do të jetë periudha e tranzicionit

Behgjet Pacolli

Behgjet Pacolli

EPOKA E RE: Z. Pacolli brenda kësaj jave pritet që kryenegociatori për statusin e Kosovës, Martti Ahtisaari, t’ua prezantojë palëve planin e tij, të cilin ju e keni parë. Si do ta komentonit këtë pako dhe çfarë përmban ajo brenda saj?

Pacolli: Nëse nuk ndërron asgjë, Ahtisari më datë 2 shkurt do ta prezantojë pakon e tij në Prishtinë. Janë dy volume apo pjesë: pjesa politike dhe ajo teknike, me disa shtojca apo të ashtuquajtura anekse dhe Ahtisari nuk e përmend pavarësinë, siç kanë thënë. Për mua është shumë e logjikshme dhe asnjëherë nuk e kam pritur që Ahtisari ta përmend në dokumentin e tij pavarësinë, për arsye se ai nuk ka kurrfarë autorizimi ta përmend pavarësinë. Ai nuk është personi që do ta definojë një Kosovë të pavarur apo sovranitetin serb mbi Kosovën. Puna e Ahtisarit ka qenë një vazhdim i punës së Kai Aides dhe ai ka përshkruar situatën në terren, ka dëgjuar opinionin e Serbisë, ka verifikuar dokumentacionin shtetëror që Serbia posedon për Kosovën në ato fusha që atij i ka interesuar, është kthyer në Kosovë dhe në bazë të gjitha informatave që i ka marrë, si dokumentaret, opinionet e ndryshme, situatën në terren, ka përpiluar dokumentin në të cilin përshkruan mënyrën se si do të funksionojë Kosova në të ardhmen. Në bazë të këtij përshkrimi Kombet e Bashkuara, pikërisht Këshilli i Sigurimit, do ta marrë vendim dhe me një përqindje shumë të madhe do të propozojë pavarësinë e Kosovës, e cila do të kalojë me vota të anëtarëve të përhershëm të KS-së dhe pritet që ajo të votohet. Janë tri vota të sigurta, më duket se do të ketë një abstenim nga Rusia, mirëpo Kina është tani e padefinuar.

EPOKA E RE: Ju përmendët Raportin e Kai Aides, i cili përshkruan brenda tij se duhet të ketë një status të ardhshëm për Kosovën. A është edhe pakoja e Ahtisarit me këtë përmbajtje apo në këtë vazhdë të definimit të statusit të Kosovës?

Pacolli: Është vazhdim i punës. Kai Aide ka bërë një raport vetëm për përmbushjen e standardeve në Kosovë. Ndërsa, Ahtisari në bazë të Raportit të Aides ka trasuar rrugën apo mënyrën se si Kosova do të ecë përpara, me shumë kujdes, sidomos në raportet ndërnacionale, ndërnjerëzore dhe ndërfetare në Kosovë. Ai kujdesin më të madh ia ka kushtuar bashkëjetesës në mes të komunitetit serb dhe shqiptar. Këtu do të ketë ngatërrime dhe për këtë është paraparë një kohë prej 120 ditëve duke filluar nga data 2 shkurt. Pra, 120 ditë do të jetë periudha e tranzicionit dhe në këtë kohë do të ketë takime mes palëve, do të thotë mes Prishtinës dhe Beogradit. Do të sqarohen shumë gjëra dhe do të ketë shumë pyetje. Këtu qeveria vendore do të jetë më pak e plotfuqishme në këtë periudhë, jo që do t’i merren të drejtat e qeverisjes vendore, mirëpo ajo nuk do të ketë fuqi që ta ndërrojë situatën, por ajo duhet ta pranojë në atë mënyrë. Mund të pyes dhe të dëgjojë, të bëjë sqarime, mirëpo frikohem se në këtë pako nuk do të mund të ndërrohet diçka vetëm nga njëra palë, do të ketë ndryshime vetëm nëse të dyja palët janë dakord. Nëse njëra palë nuk është dakord nuk mund të ndërrohet konkluza që e ka paraqitur në dokumentin e tij Ahtisari.

EPOKA E RE: Mund të kemi në një rast të tillë një Kosovë të “papagëzuar” që do t’u jepte mundësi të gjitha palëve ta “pagëzojnë” sipas dëshirës së tyre?

Pacolli: Kosova nuk mund të jetë anonime pas gjysmës së dytë të prillit. Deri atëherë do të jetë e “papagëzuar”, nuk do ta ketë një emër. Do të jetë një periudhë e tranzicionit. Do të ketë takime, do të qeveriset Kosova nga vendorët si deri më tani, mirëpo në mënyrë të limituar. Do të jetë e limituar edhe në deklaratat e tyre ndaj publikut, do të ketë një censurë për masmediat dhe çdo gjë do të jetë shumë e kontrolluar nga komuniteti ndërkombëtar.

Është obligim moral i Rusisë që ta përkrahë Beogradin, por në momentin e fundit do të abstenojë

EPOKA E RE: Ju thoni se zgjidhja do të shkojë në KS të OKB-së dhe në anën tjetër, keni thënë së Rusia nuk do ta përdorë VETO-n. Mbi çfarë argumentesh Rusia nuk do ta përdorë VETO-n?

Read the rest of this entry »